| *好耐無打過xanga啦, 5個月到啦, 今日唔知做咩, 真係唔知做左咩既一日!
*一朝早六點比cc嘈醒去幫佢手買野....個叫左唔去, 點知到左11點都係要去......去到係排隊買一隻叫blythe既公仔, 其實我自己都唔係好討好, cc都係, 不過佢見人可以炒到好高價所以去左買黎炒! 都好在大家都肯有講有笑咁, 我仲識到個新入ams既學員(哈哈~~我而家係TI-D有資格咁講啦~)
*最得意既係, 我地個group係排頭10位, 所以變左一入就係男仔, 引黎一班工作人員注意, 最後仲要影相......., 仲要問做咩買呢隻野.....~"~!
*之後我施施然咁返到屋企, 個時間表都打亂左, 想搵書又唔入腦, 打(掛)下機, 聽下歌, 又投入左自己世界, 又係到諗我仲有幾多時間做功課, 有幾多時間做呢樣做個樣, 仲有幾多時間可以做到幾多既野, 人大左諗既野都係一樣無咩點變, 聽既歌又係無咩點變, 來來去去都係同一樣既事, 做既事都係重重覆覆, 但係個人又好想求突破, 然而做既事就無改變到。
性格無變, 行為無變, 動機無變, 思維無變, 咁就21歲, 大唔到定係無大過? 仲有7個月我就22, 一年容易又中秋, 有時真係唔想諗得太遠。5年真係好遠, 但係又好快到, 不! 應該唔係快, 係我既日子過得太慢, 都唔係, 唔可以用快慢呢形容, 而係我心態仲係以前咁, 得過且過.....
ams畢業, 我覺得好似係應該, 但係又要珍惜, 一生一次嘛! 感覺上係應份, 唔會唔得, 但係又好矛盾自己又會話比自己聽, 呢樣係你自己用努力爭取, 你有成功架! 究竟係點唔去諗, 真係唔去諗, 自找麻煩!
而家呢一刻都會講下努力將來! 但係面對時間, 面對時代, 我真真正正感覺到一份無奈.......
|
